Стваральнік папулярнай рускамоўнай анлайн-бібліятэкі «Флібуста», вядомы пад псеўданімам Stiver, паведаміў, што ў яго дыягнаставалі агрэсіўную пухліну мозгу, і абвясціў пра хуткае закрыццё праекта.
«Я ў бальніцы з непрыстойных памераў гліябластомай (самая частая і самая агрэсіўная форма пухліны мозгу. — Заўв. рэд.). На жаль, „Флібуста“ на гэтым, мабыць, скончылася, як і я сам. Усім дзякуй, было весела. Серверы аплачаныя яшчэ на некалькі тыдняў», — напісаў Stiver.
Папулярная пірацкая анлайн-бібліятэка «Флібуста» была запушчаная ў 2009 годзе, там можна бясплатна чытаць і спампоўваць электронныя кнігі на рускай мове.
У 2015-м Раскамнагляд РФ заблакаваў доступ да сэрвісу на пазоў расійскага «ЭКСМО». У 2016-м сайт бібліятэкі быў навечна заблакаваны на тэрыторыі РФ.