Пакупкі беларусаў на WB перад святамі выраслі на 63% у параўнанні з аналагічным перыядам мінулага года, расказалі спецыялісты пляцоўкі, піша Tochka.by.
У топ-5 папулярных катэгорый тавараў увайшлі прадукты, тэкстыль для дому, адзенне, святочныя аксэсуары і бялізна.
Часцей за ўсё ў пераднавагодні перыяд беларусы куплялі сукенкі, штаны, курткі, чаравікі, красоўкі, футболкі і торбы. Таксама вялікі попыт назіраўся на кнігі, крэмы, пасцельную бялізну і інтэр'ерныя гірлянды.
Упрыгожванне дома і навагодні стол
Для падрыхтоўкі святочнага стала асабліва запатрабаванымі сталі кандытарскія пасыпкі — іх продажы ўзляцелі ў 40 разоў. Ікру куплялі ў 34 разы часцей, а кававыя напоі — у 21 раз.
Сярод тавараў лідарамі сталі аксэсуары для свята (+333%), карнавальныя маскі (+162%), упаковачныя стужкі (+147%), упрыгожанні для посуду (+133%), аксэсуары для фотасесій (+117%), банты для падарункаў (+114%) і карнавальныя наборы (+98%).
Прыкметна больш беларусы куплялі святлодыёдных дрэваў (+995%), свечак (+767%), парфумы для дому (+345%).
Цікава, што калі з верасня да лістапада доля тэматычнай для 2025-га «змяінай» прадукцыі складала толькі 0,05%, то да сярэдзіны снежня паказчык вырас да траціны працэнта.
Падарункі для дарослых і дзяцей
У топе навагодніх прэзентаў па традыцыі застаюцца цацкі і касметыка.
З 15 лістапада да 15 снежня беларусы паспелі замовіць больш за 300 тысяч керацінавых масак і спрэяў для валасоў, а яшчэ столькі ж тканкавых масак для твару, сываратак і крэмаў ад вугроў, шампуняў і сродкаў для мыцця разам узятых.
У падарунак дзецям выбіралі сквішы (+526%), дыяпраектары (+151%), фіджэт-спінеры (+141%), дзіцячыя камп’ютары (+100%) і спартыўныя гульнявыя наборы (+91%).